自從2007.7.7係五月天演唱會jump完翻嚟，第二日又話去旅遊，一直都冇機會回味下演唱會。時隔多日再唸翻起，係完全有別於7.7當晚嘅feel~~~

成場演唱會，除咗阿信，最大聲就係李佳!!不停回響住佢嘅尖叫同死叫我企起身嘅催促，嘿！乜有人講過唔可以坐係度聼搖滾嘅咩~~~~人哋瑪莎話好開心，佢又話開心~~~(雖然真係好開心)~~不過啊，李佳嗰日真係好緊張咖~~出去之前就猛咁問咁着好唔好睇啊。。咁襯得唔得啊~~~仲奢望。。。。都係唔講!!

李佳部分告一段落，回歸主角五月天!!

開場小電影好正~~~叫咩英勇遊擊隊，片名襯唔出内容，大概講一個臨近世界末日之際，五月天要保護嗰個象徵希望嘅女仔嘅故事，( 内容有啲浮誇啦。。。)點解話佢好睇啊??畫面拍得好現實，有种死寂但係又不斷擴張嘅感覺，我歡喜!!!加上那個人聲配樂，呐喊嘅完美演繹，加上係LIVE，豈一個“震撼”了得啊!!!所以話呢，可以靠副因素成功嘅電影就係好電影啦!~~當然五月天都唔差~~粗獷粗獷!!!METAL MeN~~~但係最尾淨翻阿信隻眼嗰幕就認真唔太好啦，儼然咒怨個男仔隻眼咁，恐怖恐怖~~~~~

跟住唱咗好多首超ROCK嘅歌，我個心臟完全頂唔順，無話HIGH啦，直頭想走佬啦，但係點得呢，我咁辛苦買飛，nonono~~~~~死人都要睇曬佢啦，耐咗，就覺得冇咩啦~~~

 HOHO~~~終于佢哋都講人話啦，啲廣州話水到冇得再水。。。。阿信話：“好開心，好多靚仔靚囡，你哋好靚啊!!”我心唸，黑嗎嗎又咁鬼多人，你知Q邊個靚邊個唔靚啊!唸嘅時候我依然係愛你咖，放心!~ 5個人都發表咗類似好開心係度開演唱會，希望下年再嚟嘅言論，全場已經癲曬啦~~~~阿信話下次要約係隔離，姐體育場，我突然覺得明星同fans係好矛盾嘅兩個個体，明星希望越多人睇，場面越大就越好，但係有邊個fans唔想可以人少少，靜靜地咁對住偶像啊，大家都想明星記住自己!不過都好嘅，係大場唱，起碼我個心唔會抽搐得咁西利。。。。。好，姑且信住佢哋會再嚟啦!

佢哋唱垃圾車嘅時候，呢首係台語歌，大家竟然都識唱，強!!!難怪阿信都話：“來到廣州，聽到五月天唱粵語歌不稀奇，來到廣州，聽到你們唱閩南語才稀奇啊!!”唔係咩啊，廣州人好有語言天分咖，睇我個space就知啦，哈~跟住個個都好似得曬寵咁，叫啦叫啦~~~~~佢哋唱呢首歌嘅時候，真係覺得我哋都係朋友，感動感動~~~~~原來有啲歌係要聼LIVE先發覺咁好聽，咁有感染力~~~~~唱到有演唱會之歌之稱嘅“憨人”時，可能係考慮到呢邊唔慣閩南語，所以改唱佢嘅國語版“鹹魚”，其實我覺得，話明係演唱會之歌，去到邊都應該唱翻最原始嘅感覺先可以表達到你哋嘅精神，所以唱國語反而覺得好怪啊。。。。

接落嚟跟住佢哋做咗個‘L-O-V-E’嘅體操同嗌一個什麽“跟我hey,跟我hey,跟我hey完一起jump”嘅口號，好玩好玩~~~佢哋好識搞氣氛，嫌我哋叫得唔夠大聲，就扮中槍詐死，士傑仲好抵死啊，向五月天噴水，仲要係用口添。。咦。。。最後，五月天都係俾“L-O-V-E"救翻嘅~~~~不過好攰~~~瑪莎後來有小solo一下keyboard同自彈自唱，不過有唔記得歌詞嘅嫌疑哦~~~~記得有挪起過幾次望遠鏡，透過望遠鏡，好清晰啊佢哋，如果係直接透過我對肉眼就更好啦!時隔太耐，ENDING係點唔太記得嚕~~~~淨係知道佢哋有同三面嘅FANS鞠躬拍手。

李佳卒之叫到聲沙，我個心就依然跳動得強烈~~~~~冇後悔!!不過啊，我有個感覺，五月天係咪唔太滿意又或者唔中意呢場演唱會呢，因爲睇過好多佢哋以前演唱會,大家包括表演者同觀衆都非常HIGH,呢種強烈嘅感覺即使你隔住個屏幕都可以真切感受得到，嗰啲fans眼淚鼻涕一齊嚟咖~~~~但係，7.7晚，就冇俾到我咁嘅感覺咯~~~算啦，睇過都叫冇憾啦~~~~~

    PS：印象中，關於五月天嘅文章已經PO過三篇啦，就連我一直都好中意嘅嬅姐同Kinki Kids都未有咁嘅待遇啊~~~~邊個話我唔會中意佢哋超過一個月咖!!錯啦你~~~~